主角病友是一位遇到更年期不適唔知點面對的女士。得到病友同意分享當中經歷。為表尊重及保護病友私隱，以A女士尊稱。
主角病友：A女士
主診醫師：方瑞文醫師
就診診所：匡信中醫專科診所
這是一個對於我黎講好特別的故事。係聽到呢個故事之前，我從來無想過，婦女更年期可以搞到咁大件事……
發病前A女士是一位全職主婦，有一個小康之家，有一個愛錫佢既丈夫，有愛佢既年老媽媽，有好孝順既兒女，有好朋友，一個普普通通的家庭，不富有，但一家人生活得富足。
直至數年前某一段時間，A女士月經開始亂，時有時無，時多時少，唔知咩事，身體上出現好多唔舒服，去睇醫生，醫生話佢可能係更年期開始停經。呢段時間，甚至完全停經之後，A 女士身體無停過唔舒服，仲越來越差，越來越無精神，成個人變晒。
發病前既A女士好少病，無乜睇醫生的。佢會在家打理頭細務，煮飯煲湯，家中不缺湯水的；又會同朋友出去行下街買下野；同家人周圍去玩，陪年老既媽媽去下飲茶行街，係一個幸福的普通師奶。
發病後既A女士變到自己都覺得自己好陌生，持續失眠，整日攤係張床度唔郁但又唔係瞓覺，佢將自己困係張床度，唔做家務，唔出街，唔煮飯，食唔落野，因為食野會令佢唔舒服，個胃同個身體好似比火燒咁，暴瘦，有時連涼都唔沖，有時只會企係窗邊望街，望望下會流淚。
A女士形容自己當時既情況似一個活死人，身體上既唔舒服已經令佢好難受，而令佢最難過既，係佢呢d 唔舒服得唔到家人既諒解。佢突然既變化，令佢家人覺得佢成個人變晒，覺得佢好陌生，唔知佢係唔係痴左線，無論感情幾好，慢慢就有怨言，慢慢就會覺得討厭，之前幾好既感情，都會慢慢咁減退。
A 女士唔想咁樣，好想好番，但佢靠自己做唔到，佢不斷搵唔同既中西醫生求醫，但结果都係一樣，食藥，治療，醫唔好，情況越黎越差，換醫生，繼續食藥，治療，醫唔好，情況繼續差，最後被轉介至精神科，食抗抑鬱藥，抗焦慮藥，安眠藥，都係一樣，失眠繼續，無動力，依然攤係張床，間中望住窗外流淚，家人繼續失望，看似對A女士有所嚴惡，朋友對佢指指點點話佢睇果科食果d藥，A女士有被放棄既感覺，明知無好轉，精神科藥卻成為佢唯一依靠。呢種情況就咁過左兩年。
不停懷疑自己患有醫學都查唔到既絕症，想死的念頭不停係A女士個腦入面打轉。然而，真係咁樣？A女士仲好愛自己的家，好愛自己的媽媽，好愛自己的親人、朋友啊。佢又周圍去搵醫生睇，今次佢自己都唔知點解走左入匡信中醫，遇到方醫師。
方醫師詳細問診後，把脈，叫A女士帶回之前既檢查報告，詳細解釋報告比A女士聽，A女士再有疑慮擔心自己有絕症，方醫師再寫紙比A女士做另外既檢查，又再詳細解釋比A女士聽檢查結果，釋除A女士過多既疑慮，開始治療。
身體唔舒服既折磨，真係一日都嫌多。兩年話長唔長，話短唔短，但就將A女士折磨得身體好虛弱，虛弱得連針灸都都承受唔到，今次主要用中藥治療。A女士情況比較複雜，要多一點時間處理，方醫師通常安排佢係當日最後一個症。
治療初期，A女士仍然有繼續服食抗抑鬱藥及安眠藥，方醫師話唔急得，服食精神科藥物都唔可以話斷就斷，要A女士儲夠信心，先可以慢慢減精神科藥。方醫師好明白A女士係真真實實身體好虛弱，有好唔舒服既感覺，亦好明白A女士家人既不理解而對A女士造成既壓力同負擔，所以診症時都見埋A女士既家人，向A女士既家人解釋A女士既情況，希望通過大家互相了解及支持，一家人再次擕手與A 女士一起對抗病魔。
一家人既愛唔會話消失就消失，如果真係無左愛，家人又點會肯陪診。但亦正正因為有家人既愛，兒女既孝順，心痛太太及媽媽點解會變到咁恐怖，而A女士又傷心家人唔明佢有幾辛苦之餘又自責自己令全家人都唔開心，自責自己整散頭家。大家互不理解，先會搞到大家都咁辛苦。方醫師話佢都只係盡醫師既本份，用藥物同解釋盡量幫A 女士，整個治療最主要都係靠A女士既意志及家人既支持。
用乜野藥同點樣治療我就唔識啦。只知大約過左兩個多月，A月士下定決心遁序漸進地同安眠藥、抗抑鬱焦慮藥講拜拜，食得精神科藥太耐，就算慢慢減，身體都上好難適應，一樣好唔舒服，靠住每次覆診方醫師因應唔同狀況既中藥調配及鼓勵，A女士既意志同佢家人既支持，慢慢地，A女士由煲一煲湯開始（雖然當時佢身體狀況仲未飲得湯水，但佢仍然企番起身煲比佢屋企人飲，佢屋企人鍾意飲。），再幫手煮一煲飯，再幫手煮一個菜，慢慢擔番起煮婦既角色，再清潔屋企由逐少部份地方打掃，抹抹塵開始，慢慢企番起身；同家人出去散步，慢慢見返朋友，同年老媽媽飲茶。大約過左半年多時間，A女士就咁靠著自己意志，家人支持，重新建立番幸福既家庭，踏足番自己既朋友圈，閒時插下花，好靚架。终於唔洗再周圍搵醫生睇，唔洗再覆診啦。A女士話最開心係一直好擔心佢既年老媽媽，個女返黎啦。
每個人都會進入更年期，有d人無事既，無唔舒服咁渡過；有d人會好唔舒服，脾氣會變得暴燥；有d人甚至會好似A 女士咁樣，以為自己有絕症，搞到成個人變晒。幸好A女士可以好堅強，好勇敢咁面對自己既唔舒服，搵得番自己既生活。
雖然A女士既人生有消失左兩年幾這個遺憾，不過唔緊要，人係要向前望既，最重要係企得番起身。唔好彩有病有唔舒服都唔緊要既，搵到個啱自己既仁醫，難關總會過到既，辦法總比困難多嘛。
祝福A女士及家人以後既生活都過得平安快樂！
張相係A女士其中的一盤插花作品（相片由A女士提供）。生活雖平淡，A女士希望每一位朋友的人生都能活得像花一樣精彩燦爛。
(編者寫於2020年5月1日)
沒有留言:
張貼留言