聽得多都悶啦，我前幾日聽到隻好搞笑既歌，同你地些牙下先～
蝦頭呢隻改編歌，有人話覺得kai，有人話覺得搞笑（我就真係覺得好爆笑），有人話堅道盡女人M 到之苦，d 男人聽唔明架啦。乜 ……真係唔會明咩？我又唔多同意啦。
講起M 到，又諗起一d搞笑野，以前有個老師，用"MC"呢兩個英文字黎形容自己M 到，M到咪M到囉，乜野MC姐，都係好後期先明，原來MC＝Moon Cross，即係月經囉。呢個真係少聽喇，通常都係話M到，姨媽到，親戚到咁啦。聽到呢首歌，發現MC 都有可能係M Come 咁解喎。
月經係絕大部份女性都必經既生理階段（係絕大部份，世事無絕對呀）。一般係28日一個周期，即係一個月一次啦，但都會有少部份雙月人，即兩個月為一個週期，都有少部份四季人，即三個月為一個週期。甚至會有好少好少既情況，會有半年一個週期呢。
坊間有d講法，話會女性係M 到既時候賀爾蒙會受到影響，情緒就會變得野蠻繁燥，不可理諭。其實有好多女性M到既時候，都會出現好多身體唔舒服既情況，例如肚痛､腰痛､頭痛；又例如有時谷M谷住住住肚脹唔舒服可以谷個幾星期；又例如明明M期係3-8日，但就好似死唔斷氣咁更係有d 啡啡地既污糟野流出黎成兩個期期先停；又例如有人會流M 搞到血崩要入醫院輸血；又例如有良性肌瘤或纖維瘤影響，令M黎一個月都唔停，又或過左一個月都無黎；有d人黎M又會面青口唇白，手腳冰冷，個人變到好虛；有d人又會長期受壓力影響，情緒變化大，又或有其他長期病患要長期食藥，搞到經期次次又亂又唔准。其實呢d情況，好多時睇中醫調期，或調理番好個人體質，M到既時候就唔會辛苦架啦。
有樣野我好唔明，好多女性鍾意搵女醫師調經睇婦科，唔知佢地係咪怕醜定係怕尷尬。我好想好想話比你地知，每個病人係醫生或醫師面前都一樣，醫者見到既都係病人既情況，唔分男女架。只要我地對醫師坦白，醫師就會用心醫我地架啦。有好出名婦科西醫都係男醫生啦，男醫師調經都好叻架。我反而覺得有料既男醫師（例如我搵開果d）可能會更加客觀去睇個情況添！
視頻來源：
係TVB官方專頁於2017年12月7日的貼文睇到。但因唔識點樣可以貼條片出黎，所以上youtube搵到再分享。
（蝦頭真係好搞笑，原來佢把聲唱歌都幾好聽架！）
沒有留言:
張貼留言