睇到個標題，係咪以為本站招募成員呀？
哈！哈！哈！哈！
梗係唔係啦！！
係發現左診所職位空缺廣告呀！仲有個職位好搞笑架呢～
殊～唔好比創辦人知我豬事八掛到連佢地既招聘廣告都玩一餐呀！哈哈！
純分享下我呢一個外行人既感覺啦，匡信 / 盈柏 / 尚然堂 既每一位中醫師、助護姐姐、公司職員，就好似有一點緣份，將佢地聚埋一齊係一個大家庭入面咁樣。咁呢，我又幫佢地改左個名，就係「匡信一族」啦！
打工，真係好辛苦架！呢個世界唔會有不勞而獲架！
但我企係呢個族群外面，望住呢間中醫診所既發展及成長，真係好感動架。以我係呢個畸型社會混左咁多年，真心覺得，有緣可以成為呢個大家庭既一份子，真係一個福份黎既。
我呢，就只係有緣份係呢度認識到超好人既診所創辦人、有醫德有愛心既專業中醫師們、以及待人有禮又專業既助護姐姐們。講白d，咪就係我條件唔夠好，佢地唔請我囉！我做唔到匡信一族成員囉！嗚嗚～ :::>.<:::
呢間診所既創辦人，即係匡信一族既族長，份人好得意架，非常熱愛中醫呢個學科，同佢一齊係度做中醫師既都係好好既中醫師黎架。
不過呢，如果係生意人既角度，我就覺得佢係傻既，每一間社區診所既門面一點也不豪華，只是簡簡單單，好親切架。（更係啦，其他人做生意講門面，佢就唔係既，仲傻傻地咁慳埋d非必要既門面野，將資源放晒落佢d職員同街坊病友度丫嘛！仲要每一個匡信一族既成員除左有可觀既底薪，仲會多勞多得，有能力又上進既，唔止成員本身會進步，佢地既荷包都會進步架！）
如果從管理及腦細既角度睇呢，呢個創辦人都係傻架，我真心覺得佢對自己d職員同事極好，容忍力超高。（佢真係當診所匡信一族每一個成都係一個大家庭成員咁咪係傻架囉！）唔止呀，有意見，有要求，仲有得傾架！（直頭係傻架啦，自己d時間都唔夠用，仲有得傾！比著我做腦細，真係彩你都傻！）
不過。。。如果有d匡信一族成員真係覺得佢係傻既而提出不合理要求架呢，咁佢就真係彩你都傻。佢係一個好包容既人，佢唔拆穿唔代表真係厄到佢架。佢真身其實係一個精明的好人黎架。（哎喲！又比我篤爆左佢真身！殊～唔好話比佢知呀！）
記住，呢個世界無不勞而獲架！
如果你地覺得自己夠優質、有愛心、捱得苦，想加入呢個大家庭，想跟下呢d傻傻地既腦細，想做匡信一族既成員，就試下應徵啦！
唔好問我招聘d野呀，我乜都唔知架！一日最衰都係個朋友仔無啦啦比招聘廣告我睇，叫我應徵，先忽發奇想，無啦啦寫呢編野！
都話左我唔係職員，佢地幾時請人，請乜野職位，我鬼知咩！
呢度只提供招聘網站既連結，自己click入去睇啦，入面有招聘中醫師，招聘診所助護果d職位架啦：
招聘廣告
再爆多一樣野比你地知丫，佢地請人都奇奇怪怪咁架，可以寫email自薦做匡信一族既成員架，咁當然要係優質既先彩你啦。有自信既你，可以send e-mail 去呢度問：
honsoncmed@gmail.com
祝與匡信一族有緣既你好運啦！~^_^~
[比診所創辦人知道我連招聘廣告都玩一餐，佢實會好頭痛。咁為左匡信一族族長個頭唔好痛，殊～唔好話比佢知發現左呢度丫！哈哈！]
[寫呢編野既今日係2018年8月17日]
您好！请问贵诊所有空缺吗？
回覆刪除你好！我唔知道呀！
刪除你可以send email 去 honsoncmed@gmail.com 查詢一下的。