2019年5月份公眾假期各社區診所開診安排

匡信中醫專科診所Honson Chinese Medicine Clinic
盈柏中醫診所 Cedar Chinese Medicine Clinic
尚然堂 Prime and Naturals

2019年5月份公眾假期各社區診所開診安排
Consultation Hours on Public Holidays in May 2019


今次好快就比我發現5月份假期開診通告出左啦！仲係靚仔版黎架！不過又係好奇怪地唔係間間診所有貼出黎架喎。有ｄ淨係貼左自己果間診所開唔開診果張，有ｄ兩張都無貼咁啦！

唔理啦，嗱嗱聲貼左出黎先！近期發現放假有醫生睇真係好緊要！

好多謝咁多位願意假期開診既醫師們及助護姐姐們！辛苦你地啦！

Thanks to all RCMPs and Clinic Assistants providing services on public holidays!

[資料來源：其中一間社區診所見到張貼之通告。]
[Source：Notice posting in one of the clinics]

2019年清明節及復活節假期各社區診所開診安排

匡信中醫專科診所Honson Chinese Medicine Clinic
盈柏中醫診所 Cedar Chinese Medicine Clinic
尚然堂 Prime and Naturals

2019年清明節及復活節假期各社區診所開診安排
Consultation Hours on Ching Ming Festival Holiday and Easter Holidays of 2019


又係咁！又係咁！

張假期通告整左出黎又唔係間間診所有貼出黎架喎，要貼出黎通知各街坊病友先得架！好彩都比我搵到啦！哈哈！

今次假期有好多好多醫師開診呀！個list 長得好誇張，原來分兩邊，睇到眼都花。我又搞搞震整左個分開兩張紙既版本！又發現新醫師名啦！

今次張通告有亮點，就係2019年4月21日（星期日）。原來平時星期日有好多好多醫師開診架！真係方便左一班平日好忙好忙既街坊朋友可以係星期日睇醫生，針灸，保健架！

不得不比個like 盈柏（良景）既助護姐姐。雖然佢地每次貼呢d假期通告都係黑白版本唔係幾靚，但佢地應該係最快貼出黎既診所，而且每次有用瑩光筆highlight 左日期，良景診所，醫師名，開診時間，令良景既街坊病友都睇得清楚。我見過幾次架啦，個人估計因為診所只有黑白打印又唔知張通告幾時先送到診所，佢地又想盡早貼出通告通知各街坊病友，所以好細心地highlight 埋比街坊病友睇。用有限既資源盡量做到最好呢d咪匡信精神既發揮囉！我感受到呢份心意架！

謝謝咁多位願意假期開診既醫師們及助護姐姐們！辛苦你地啦！

Thanks to all RCMPs and Clinic Assistants providing service on public holidays!

[資料來源：其中一間社區診所見到張貼之通告。]

[Source：Notice posting in one of the clinics]

（唔講都知今次用邊間診所貼出黎既通告啦！哈哈！）

有感而發 - 最合拍的診所助護

放假休息過後有番d精神，又寫下野，豬年第一編文章，由助護姐姐打頭陣。

今次故事主角係匡信中醫專科診所（富榮）既林姑娘及梁姑娘。今次唔係勵志故事，但我覺得好溫馨。

富榮林姑娘
打聽到林姑娘係當年新蒲崗診所第一代助護姐姐（新蒲崗診所已經無聲無息咁消失左）。表面果層，好多病人都話林姑娘唔多出聲，有點冷､有點酷，但對病人好。講到好似好矛盾咁。但睇野唔好睇表面咁膚淺，除左晴朗診所沈姑娘以外，富榮診所林姑娘係另一位比較全面，效率超高又勤力既前線診所助護姐姐。或許性格比較沉默，唔多出聲令人感覺有點冷､有點酷，但佢絕對唔會對病人黑面；認真既時候唔會笑，如果你望真d，同病友打招呼既時候林姑娘面上有帶住淺淺的笑容，仲帶有一點溫柔架。

富榮梁姑娘
打聽到梁姑娘就係留守係富昌診所服務到最後一刻既得意妹姑娘，原來佢調派左去富榮診所服務。表面果層，得意妹梁姑娘好似成隻開籠雀咁吱吱渣渣紥紥跳，做野速度快，有時或會有點粗心大意。都話睇野唔好睇表面啦，如果你了解多 d，得意妹梁姑娘係願意從錯誤中學習，做錯會認，要打就企定，係診所不斷成長緊，不斷進步緊。以我所知，有好多病友都好喜歡得意妹梁姑娘的。

兩位性格截然不同的診所助護，被安排係同一診所工作，似乎並沒有刷出毀滅性火花，卻產生左幾好既化學作用。獨立黎睇兩個都係好普通既助護姐姐，拍埋一齊就唔簡單啦。點解既？

林姑娘同梁姑娘性格上其實有共通點架，為人爽直，有義氣，有商有量，唔會收收埋埋，唔會陰人，佢地之間沒有惡性鬥爭，沒有個人主義，唔會計較邊個做多d做少d，好合拍，呢兩個助護姐姐真真正正發揮到團隊精神架。最欣賞佢地做到互相補位，互補不足，而且做到不分階級，尊重每一位醫師，照顧好每一位病友，完全睇到佢地好喜歡好尊重自己份工，默默為各街坊病友服務，協助醫師們。佢地唔會嫌棄老友記年紀大行動不便，當行動不便既老友記見完醫師要做針灸或拔罐治療既時候，呢兩位助護姐姐都幫忙會扶住老友記到治療床，安頓好等醫師，佢地都好有愛心喔！

我曾經做過測試，搶住幫朋友仔打電話預約好難約到既何醫師唔止一次（咁當然係用第三者個電話打先試到啦），兩位助護姐姐都曾經接過我的電話。朋友所選時間約唔到，佢地唔會一句得埋黎話無位，會盡量就約另一個時間，雖然講明人多都係要等的，但朋友仔都願意等。而電話入面既林姑娘及梁姑娘，都係好有禮貌的。

唔知係咪真係有化學作用呢樣野，富榮診所入面有得意妹梁姑娘既活潑同生氣，又有林姑娘既成熟同高效率撞埋一齊，而家既富榮診所令人有點好溫馨既感覺。

朋友仔話富榮診所姑娘好忙呀，輪流走黎走去照顧病人或執藥架。

見唔見到富榮診所都有掛住"專業.卓越 Professional & Excellence" 呢個牌呀，富榮林姑娘及富榮梁姑娘拍埋一齊都襯得起呢個牌架。哈哈！一間優質既街坊社區診所，除左有優質既中醫師之外，有優質既助護姐姐都好重要架。一個整體既團隊黎架呢！

題外話，明明聽到話d 診所助護姐姐有名牌架嘛，有d 助護姐姐好大方咁掛個名牌出黎，有d 助護姐姐收埋個名牌唔掛出黎架喎，咁查實個名牌整黎做咩架呢？唔通係紀念品黎既？

2019農曆新年假期開診安排

2019年2月4日（星期一）（年卅）：下午休診

2019年2月5日（星期二）（年初一）：休診
2019年2月6日（星期三）（年初二）：休診
2019年2月7日（星期四）（年初三）：休診

2019年2月8日（星期五）（年初四）：
　　全線社區診所照常應診
　　(個別醫師請假除外，請先致電診所查詢。）

豬年到啦！
祝福大家天天都開開心心，好似豬咁識嘆！醫師們､助護姐姐們､後勤職員們除外！
點解醫師們就唔准好似豬咁嘆呢？因為醫師們要幫患病病友早日康復，幫沒病病友調理養生！呵呵！
點解助護姐姐們都唔准好似豬咁嘆架？因為你地要協助醫師們照顧下街坊病友架！
點解後勤職員們更加無得好似豬咁嘆架呢？要處理咁多間社區診所日常大小事務，仲要比我捉埋d 小錯處，好忙的！
哈哈！所以呢，醫師們，助護姐姐們，後勤職員們，你地都好重要架！謝謝你地維持住各社區診所為我地一班街坊朋友服務！咁……比你地放三日假咁多啦！
張相係 青衣長發尚然堂中醫診所 附近既青衣城影架，得意豬係豬年都走出黎祝福各行坊朋友好運喔！~^_^~

Consultation Hours on Chinese Lunar New Year Holidays

4.9.2019 (Mon)
　　(Lunar New Year's Eve): p.m. Closed

5.2.2019 (Tue)
　　(Lunar New Year's Day): Closed
6.2.2019 (Wed)
　　(The 2nd day of Lunar New Year): Closed
7.2.2019 (Thr)
　　(The 3rd day of Lunar New Year): Closed

8.2.2019 (Fri):
　　All clinics open as usual.
　　Please contact the clinics for enquiry.

All the days be happy, be all the Best! ~^_^~

又整左各社區診所位置圖啦

無論hang幾多次機，都無阻我整地圖既決心既！
整左啦！哈哈！
睇晒 匡信中醫專科診所 / 盈柏中醫診所 / 尚然堂中醫診所 所有社區診所位置既地圖。
(忍耐、堅持呢d野，都係向我喜歡的中醫師學既！)

A map showing locations of Honson Chinese Medicine Clinics / Cedar Chinese Medicine Clinics / Prime and Naturals Chinese Medicine Clinics.  Just for fun!

我的2018診所大發現回顧

又玩下2018年回顧先，舊年發現左d乜野呢？

1. 最新鮮滾熱辣，昨日先發現，年尾最後一日都有搞到我笑左出黎既消息，就係終於比我等到小西灣診所齊人啦。小西灣診所而家天天都恆常有好醫師駐診，仲有一位上進的推拿師，又有有禮貌樂於助人又協助醫師既好姑娘。好野！！人齊啦！！
（我仲等緊另一間，好有耐性地等……）

2. 佢地部份診所推出左有保健及治療作用既中醫推拿服務，而家共有三位推拿師，一個係六間診所服務，一個係兩間診所服務，一個係五間診所服務。由於推拿師們大好人，為左方便一眾街坊，佢地願意係自己服務既診所走黎走去，所以推拿服務係要預約架。

3. 呢個係一個超重大發現，超級忙既診所創辦人願意抽時間，與一眾新入職既醫師們互相分享行醫理念及經驗，互相學習，加強為我地一班街坊提供既優質中醫服務。每一個分享都係好寶貴，呢啲機會真難得，可惜不屬於我，無我份囉。

4. 發現左有乾針療法。其實仲有另一個發現，但要再了解研究下先話得比你地知。

5. 原來中醫診所識分身又識變身架！不過變身果間變身道行唔夠就暫時變得樣衰左d，遲d應該會靚番架啦！（嘻嘻！唔好意思，又忍唔住笑左！哈哈！）

6. 仲見到有好多新醫師名字加入吖。我覺得在沒有銅臭味，但勁有人情味既診所行醫都係幾辛苦既事，而且仲要多勞先多得添。入黎呢度為我地一班服務既醫師就好似要打木人行咁打得，咁捱得，有愛心，懂忍耐，不計較。不論我識唔識你地都好，請容我代各街坊病友衷心向你們一班愛心醫師講聲 "謝謝！" 。同埋要向一班協助愛心醫師們又對病友好既助護姐姐講聲 "謝謝！" （即係協助到醫師又對病友好果d 助護姐姐呀，歡迎對號入座！）。都多謝埋一班後勤既職員啦，雖然我成日捉到你地d粗心大意既野。嘻嘻！

回顧完啦，又去發掘下另外既野玩下搞搞振先！

呀！仲有，我成日發現左又公開診所既野比一眾街坊病友知，仲公開埋d粗心大意既小錯處添，希望診所創辦人無比我搞到頭痛啦！啦～啦～哈哈！

第十一間尚然堂出現左！

靜俏俏告訴你們好搞笑的一件事，原來中醫診所除左識分身，都識變身架。上次第十間尚然堂，即係尚然堂（天耀），係盈柏（天耀）既分身；今次第十一間尚然堂，即係尚然堂（尚德），咪就係匡信（尚德）既變身囉。

最搞笑係咩呢，就係診所變身道行未到家呀，要變身又唔識扮靚，家陣咁醜樣，真係陰公豬囉，睇黎要等高手幫佢扮靚靚先得啦。哈哈！想笑屎人咩！

不過咁，外表從來都唔係我睇野既重點，就算外表未扮靚靚，內裡都係以前服務街坊既尚德診所，一模一樣架！

尚然堂（尚德）
地址 : 將軍澳尚德邨尚德廣場2樓246舖
電話 : 9688 2565

The 11th Prime and Naturals Chinese Medicine Clinic in service now!

The 11th clinic, Prime and Naturals (Sheung Tak), which is changed from Honson (Sheung Tak), says hello to you!

They are the same clinic, just the name and location were changed!

An interesting finding: Prime and Naturals (Sheung Tak) in service now, but awaiting for dressing up.  LOL!

Prime and Naturals (Sheung Tak)
Address: Shop No. 246, 2/F, Sheung Tak Plaza, Tseung Kwan O
Tel.: 9688 2565



未扮靚靚既尚然堂（尚德）診所
Prime and Naturals (Sheung Tak)  at new shop no. 246.

In service now,
but awaiting for dressing up.