Consultation Hours on Public Holidays in June and July 2020
又有好多好多醫師願意假期開診呀！
我唔得閒都要post上黎啦！
又見到新名字，又係時侯要再調查啦。不過呢，調查完實又改既，成日整估我既！！
係呢個疫情下仍不能掉以輕心，好多謝 匡信/盈柏/尚然堂 既醫師們及助護姐姐們，繼續緊守自己既專業同崗位，為各社區既街坊病友服務。
再次向你地致敬！謝謝你們！
提提各位街坊病友，雖然咁多醫師係假期開診，但都唔好食咁多糭食到濟，我剛食濟完，好辛苦的！係食中藥好番之前都係好辛苦的，唔試好過試啦！
2020年6月及7月有乜公眾假期？
2020年6月25日（星期四）
2020年7月1日（星期三）
Public Holidays in June and July 2020:
25 June 2020 (Thursday)
1 July 2020 (Wednesday)
Deeply thanks to all RCMPs and clinic assistants of Honson/ Cedar/ Prime and Naturals staying with us / standing by us in the difficult time!
忍唔住又要再講，其實呢，你地個admin 可唔可以都專業dd，搞清楚d 診所名同醫師名得唔得！
忍左你地好耐架啦！
東涌間尚然堂診所 係 尚然堂(逸東) 呀！
叶博倫醫師 個姓 係 “叶” 呀！
仲有呀，話明係6-7月既公眾假期各診所開診安排丫嘛，好多間都淨係貼6月25日果張出黎，算點呀，貼晒兩張唔得架咩！！
垃圾，有病人確診都仲要開鋪，唔肯休診幾日做深層清潔。
回覆刪除仲要唔公佈有確診病患黎過睇醫生。
你好呀！
刪除呢位朋友你可能搞錯左d 野呀，你講果樣野呢，係曾經有職員確診呀，我好緊貼疫情發展架，當日衛生防護中心及醫管局係7月22日既疫情記招公怖，其中一個確診者係慈雲山尚然堂工作，當晚新聞報導已經無限loop，全港有留意疫情發展或新聞既市民都知架啦，成件事當明正大咁發生，政府都係光明正大咁公怖架噃。慈雲山被視為重災區，全港市民都知架噃。根據衛生防護中心放上網公開既資料，果位職員係社區感染，都好快咁送左去醫院治療，亦已出左院架啦。
仲有呢，慈雲山尚然堂當時係有關門數日做深層消毒清潔架，佢地每一間診所都加強左消毒清潔，全港市民，包括佢地任何一個職員，唔會有人想中招架。診所好，職員好，病友好，街坊好，大家好，整個社區，整個社會先可以運作落去架。
而家講緊既係社區大爆發，今次發得咁嚴重其中一個原因係社區存在隱形傳播者，甚至可能係無症狀隱性患者。我地每日返工放工乘搭交通工具，鬼咁多人，隔離果個係唔係隱形傳播者都唔知啦。佢地醫師都有教，衛生防護中心都有講啦，社區大爆發呀，我地要過番我地既生活，最緊要做好個人衛生清潔，戴好個口罩，勤洗手，唔好周圍摸。
既然社區有隱形傳播者，我地要緊記做好自己先啦，抗疫要齊心啊！
我隨身袋住佢地隻細裝酒精噴噴，超方便好用，隨時隨地有需要消毒就噴噴，refill 都方便，最緊要安全！正！
呢位忠實何桌科粉絲你好似搞錯d野，我係話間公司知道有確診病患黎過幾次都唔做野，唔係指慈雲山個姑娘喎。
刪除乜你唔係何醫屎忠實粉絲？乜都鐘意跟蹤呢間公司咩？
佢地賣唔合規格酒精果陣你有無一箱箱咁入貨先？完全殺唔到菌，最緊要賺錢，正﹗
其實我唔明你想表達乜野，以我理解如果係確診者，會比衞生署或醫管局送左去醫院；密切按觸者就送晒去隔離啦；如果係社區隱形患者，一般市民都唔知邊個係啦，可能連隱形患者本人都唔知自己中招，亦無得避。所以呢，我最關注係診所消毒衛生，做好消毒衛生先係最緊要。比我發現做得唔好實去投訴。
刪除何醫師全名是何卓科醫師，佢係一個好好既醫師，好善良，好用心醫人既好醫師，係我其中一位偶像醫師。每個人都可以有佢自己既偶像同興趣，何醫師係我其中一個偶像醫師，研究中醫診所係我其中一樣興趣。
唔知你仲記唔記得今年年頭疫情爆發時既慘痛經歷，當時想買口罩、消毒物資、甚至連最基本既廁紙，都難過登天。我食炒價買口罩，連酒精紙巾都要食炒價，仲要限買，好貴，消毒野仲要左搭右搭朋友先買到少少。佢地診所有無食炒價我就唔知啦，我淨係知診所創辦人講過，顧主係有責任提供口罩等物品比員工，佢地診所做得到，仲有消毒物資供各診所消毒，提供安全環境比我地去睇醫生。我公司就無咁好啦，連口罩都無提供比我地，不過就因為聽左診所負責人講既顧主責任，雖然我唔係一個顧主，但都願意食炒價搵抗疫物資比同事，跟診所創辦人學的。
佢地既消毒酒精噴噴我當然有大量買啦，屋企人，朋友，同事都有用，真係方便好用，不過就唔係你講有問題果批，我地當然放心用。當時既消毒酒精炒到好貴好貴，你肯比錢都未必買到，仲要係大大支，想買樽仔同人分都難，一個細細樽仔要十幾廿蚊一個，大把人搶。佢地係呢個時間推出消毒酒精噴噴，對我地呢d 疫情期間仲要搭車返工既黎講真係幫左我地好多，仲要價錢唔貴。
你可能無留意佢地診所曾經係三月既時候貼過一張通告，佢地拎左d酒精噴噴去化驗，懷疑一批3月12日至3月19日售賣既批次有雜質，並唔係無效，只係佢地擔心有雜質會影響效用而進行回收退款，有d街坊病友仲收到姑娘打電話通知回收退款。佢地係大方，公開，透明咁貼通告回收退款的。呢d先係有責任既診所。化驗要錢，回收左又要蝕錢，周圍搵物資提供比病友好難的，仲要有良心去化驗，好品質先用合理價出售，我就睇唔到佢地點樣賺錢啦。遇到d咁好既診所真係要感恩啦。